முரண்பாடு - அப்பா
கால்கள் தடுமாற
அழைத்து வரப்படுகிறேன்
துயரத்தின் உச்சத்தில்
உன்னை நெஞ்சோடு அணைக்க
எத்தனிக்கிறது மனம்
கைகளால் தொடுவதற்கு விடாமல்
இழுத்துக் கொள்ளப்படுகிறேன்
உதட்டோடு ஒட்டி வழியும்
கண்ணீரோடு முத்தமிடுகிறேன்
உன் நெற்றியில்.
பள்ளியில் விட்டுச் செல்லும்
அப்பாவுக்கு
அழுகையினோடு முத்தமிடும்
சிறுவனைப் பார்க்கையில்....
வந்து செல்கிறது
உன் கல்லறைப் பயண
நினைவுகள்...
லேபிள்கள்: கவிதை அப்பா
0 கருத்துகள்:
கருத்துரையிடுக
இதற்கு குழுசேருக கருத்துரைகளை இடு [Atom]
<< முகப்பு